ശോച്യാവസ്ഥയിലായ ചിറ്റാരിക്കാല്‍-ഭീമനടി റോഡ് കലക്ടര്‍ സന്ദര്‍ശിച്ചു
കാഞ്ഞങ്ങാട്: ശോച്യാവസ്ഥയിലായ ചിറ്റാരിക്കാല്‍-ഭീമനടി റോഡ് ജില്ലാ കലക്ടര്‍ഭണ്ഡാരി സ്വാഗത് രണ്‍വീര്‍ചന്ദ് സന്ദര്‍ശിച്ചു. റോഡ് ശോച്യാവസ്ഥയിലായതിനെത്തുടര്‍ന്ന് വാഹന ഗതാഗതം നിലച്ചിരുന്നു.ഇതേത്തുടര്‍ന്ന് ബസുകള്‍ കുന്നുംകൈ വഴിയാണ് സര്‍വീസ് നടത്തിയിരുന്നത്. ഇതുവഴിഈ റോഡിലൂടെ സര്‍വീസ്തുടരാന്‍ സാധിക്കില്ലെന്ന് ചൂണ്ടിക്കാട്ടി ബസുകള്‍ സമരത്തിലേക്ക് കടന്നിരുന്നു. ഈ സാഹചര്യത്തിലാണ് കലക്ടറുടെ സന്ദര്‍ശനം. ചിറ്റാരിക്കാല്‍ നര്‍ക്കിലക്കാട് വരെ 10 കിലോമീറ്ററോളം സഞ്ചരിച്ച് സ്ഥിതിഗതികള്‍ കലക്ടര്‍ വിലയിരുത്തി. പൊതുജനങ്ങള്‍, വിദ്യാര്‍ത്ഥികള്‍, ബസ്സുടമകള്‍ എന്നിവരോട് കാര്യങ്ങള്‍ ചോദിച്ചറിഞ്ഞു.വെള്ളരിക്കുണ്ട് ജോയിന്റ് ആര്‍ടിഒ മേഴ്സിക്കുട്ടി സാമുവല്‍, പിഡബ്ല്യൂഡി,കിഫ്ബി ഉദ്യോഗസ്ഥര്‍,ജനപ്രതിനിധികള്‍, രാഷ്ട്രീയ പാര്‍ട്ടി പ്രതിനിധികള്‍, ബസ് ഉടമകള്‍, പൊതു ജനങ്ങള്‍ തുടങ്ങിയവര്‍ അനുഗമിച്ചു.
